Иво Андриќ почина во страшна агонија! Три месеци бил на работ на смртта, се борел со крварење на мозокот, а еве на кого му го оставил своето богатство
Денеска, 13 март, се навршуваат 50 години од смртта на нобеловецот Иво Андриќ, еден од најголемите писатели на 20 век.
Иво Андриќ почина во 1975 година во Белград на 83-годишна возраст, по долга битка со здравјето, која вклучуваше сериозни оштетувања на мозокот, пневмонија и компликации од инфекции.
Влошувањето на неговото здравје започнало кон крајот на 1974 година, кога, чувствувајќи се лошо, ги повикал пријателите и писатели Милан Ѓоковиќ и Гвозден Јованиќ да им ја каже својата последна желба.
Иво Андриќ, кој немал блиски роднини, сакал неговото наследство да се користи за општи културни и хуманитарни цели. Во својот последен тестамент, тој одлучил да основа фонд за да се занимава со неговите авторски права и неговата литература.
За чувар на оваа дарба беше назначена Вера Стојиќ, неговата долгогодишна секретарка и пријателка. Андриќ изразил и желба да биде доделена награда за најдобар расказ, а Српската академија на науките и уметностите да ја одреди судбината на неговите ракописи.
По пристигнувањето во болницата на 17 декември 1974 година, на Андриќ му било дијагностицирано нарушување на циркулацијата во мозокот, а неговата состојба дополнително се влошувала поради инфекции.
Иако лекарите му дадоа мали шанси за опоравување, Андриќ, и покрај се, помина уште три месеци во болница, борејќи се со болеста.
Иво Андриќ почина на 13 март 1975 година, во 1:15 часот по полноќ. Неговата смрт длабоко потресе многумина ширум светот. Комеморации се одржаа во Белград и Травник, неговиот роден град, каде што доби бројни постхумни награди.
Општина Травник одлучи улицата Станка Турудије да го носи името на Иво Андриќ, а Националната библиотека во Травник да стане Библиотека „Иво Андриќ“. Исто така, неговото родно место е претворено во Меморијален музеј, кој денес е единствен музејски комплекс посветен на овој голем писател.
Годинава, 50 години по неговата смрт, Иво Андриќ сè уште живее преку својата литература и наследство, а неговото дело и влијание остануваат незаборавни.
