Избегнувајте благо навечер! Јадењето сладолед пред спиење има лош ефект врз ова… (фото)

Една неодамнешна студија ја потврди теоријата дека шеќерот е главната причина за лошиот квалитет на спиењето

Прекумерното консумирање сладолед може да доведе до зголемување на телесната тежина, срцеви заболувања и може да ја оштети микрофлората на дигестивниот тракт. Сепак, уште поризично е да се јаде ова освежително задоволство пред спиење.

Експертите неодамна потврдија дека има уште една негативна страна во јадењето сладолед, особено ако сакате да го јадете пред спиење, а тоа е дека може негативно да влијае на квалитетот на вашиот сон.

Едно истражување покажа дека луѓето кои јадат брза храна и кои консумираат повеќе калории, особено во форма на додадени шеќери, спијат полошо. Кога температурата на телото ни е ниска, тоа значи дека влегуваме во најквалитетниот и најдлабок сон. Меѓутоа, ако јадеме храна полна со шеќер пред да заспиеме, температурата на телото е повисока и потешко паѓаме во длабок сон.

Еден вид сладолед е особено проблематичен. Станува збор за чоколаден сладолед. Заедно со сиот тој шеќер, содржи и кофеин и теобромин – антиоксиданс кој делува како стимуланс и нè држи будни.