Избегнувајте грешки: Овие попладневни навики честопати го саботираат губењето на тежината

Иако многу луѓе го започнуваат денот со добри намери и план за поздрав живот, токму попладневните часови претставуваат најголем предизвик во процесот на слабеење. Експертите предупредуваат дека токму малите, но чести попладневни навики можат сериозно да го саботираат успехот во слабеењето.

Малите навики што ги повторуваме секој ден можат да имаат поголемо влијание врз телото, па затоа подолу ви претставуваме некои од најчестите попладневни грешки што го попречуваат слабеењето.

Кафе во доцните часови

Иако шолја кафе може да изгледа како брзо решение за заморот, пиењето кофеин доцна попладне често го нарушува сонот. Лошиот сон го отежнува контролирањето на апетитот следниот ден, создавајќи маѓепсан круг на исцрпеност и лоши одлуки во исхраната. Наместо кафе, посегнете по чаша вода или прошетајте накратко.

Прескокнување на ужина

Многу луѓе мислат дека прескокнувањето на попладневниот оброк ќе им помогне да внесат помалку калории во текот на денот. Сепак, оваа навика често води до прејадување на вечера, кога на телото му е најтешко да го согори вишокот енергија. Наместо тоа, подобро е да јадете нешто лесно – како овошје или неколку јаткасти плодови – за да се чувствувате сити до вечера.

Предолго седење

Долгите часови поминати на биро, без никакво движење, го забавуваат телото и го прават тромо. Дури и неколку минути лесно одење или истегнување можат да помогнат во разбивањето на монотонијата и подобрување на циркулацијата. Телото го сака движењето – и ќе ви биде благодарно за секој чекор.

Гризење од досада или нервоза

Попладневната нервоза, заморот или досадата честопати нè наведуваат да посегнеме по слатки, чипс или нешто слично – не затоа што сме навистина гладни, туку затоа што бараме утеха. Оваа навика може да стане несвесна рутина што носи дополнителни калории и дополнително чувство на тежина. Наместо тоа, добра идеја е да пронајдете друг начин да го одвлечете вниманието – како што е бавна прошетка, разговор или длабоко дишење.

Голема вечера како резултат на ден без контрола

По еден ден без редовни оброци, вечерата често станува најголемиот оброк во денот. Лесно е да се прејадете, бидејќи вашето тело е исцрпено и треба да го надомести тоа. Сепак, вишокот храна што се јаде навечер е тешко да се согори и брзо се складира како маснотии. Клучот е да се јаде рамномерно во текот на денот, а вечерата да биде лесна, но хранлива.