Избори во 14 ограноци на ДУИ – Али Ахмети ги објави имињата на победниците

Демократската унија за интеграција денес организираше внатрепартиски избори за консолидација на партиските органи во 14 ограноци, со примена на демократскиот принцип „еден член, еден глас“.

Во текот на овој изборен процес предводен од партиската изборна комисија на ДУИ се гласаше за избор на претседатели на ограноци, членови на ограноците, претседатели на локални совети и членови на раководството на локални совети во ограноците: Бутел, Чаир, Дебар, Јегуновце, Кичево, Крушево, Куманово, Липково, Битола, Петровец, Пласница, Преспа, Шутка и Велес.

Така, избраните во 14 ограноци на ДУИ се следните:

• Ликово: Мирсад Ибраими

• Куманово: Ридван Асани

• Чаир: Беким Незири

• Бутел: Мухарем Асани

• Шутка: Илаз Лесковица

• Петровец: Насер Халити

• Јегуновце: Елдин Адеми

• Кичево: Ардита Дани

• Дебар: Артин Спахиу

• Крушево: Абиб Веџиу

• Битола: Лутфи Амето

• Пласница: Бајрам Карамалески

• Велес: Локман Салија

• Преспа: Арјан Муједини

Во соопштението на ДУИ се наведува и дека примената на овој модел при изборот на партиските органи го докажува демократскиот пристап и капацитет на Демократската унија за интеграција.