Израелска Влада: Повеќе од половина од заложниците на Хамас имаат странско државјанство

 – Повеќе од половина од  220 заложници кои ги држи Хамас имаат странски пасоши од 25 различни земји, вклучително и 54 тајландски државјани, соопшти израелската влада.

Во обезбедувањето ажурирани бројки, владата, исто така, рече дека 328 луѓе од 40 земји биле потврдени мртви или исчезнати по ненадејниот напад на 7 октомври врз јужен Израел. Се проценува дека во нападот загинале вкупно 1.400 луѓе.

Израел соопшти дека 138 од заложниците имале странски пасоши, меѓу кои 15 Аргентинци, 12 Германци, 12 Американци, шест Французи и шест Руси.

Се веруваше дека многумина имаат двојно израелско државјанство, но некои, како Тајланѓаните и петте непалски заложници, речиси сигурно немаат. Има и еден заложник од Кина, еден од Шри Ланка, двајца од Танзанија и двајца од Филипини.

Меѓу другите странски земји кои претрпеа големи загуби се САД со 34 загинати и пет исчезнати, Украина со 25 загинати и двајца исчезнати, Франција со 23 загинати и еден исчезнат и Русија со 23 загинати и четворица исчезнати.

Петмина кинески државјани загинаа, а еден е исчезнат, додека петмина Непалци се мртви, а петмина се водат како исчезнати.