Израелските тенкови стигнаа до центарот на градот Кан Јунис во Појасот Газа

Израелските тенкови стигнаа до центарот на градот Кан Јунис во јужниот дел на Појасот Газа, објавија британските медиуми.

Жителите на градот велат дека тенковите стигнале до главната сообраќајница која минува низ централниот дел на градот и ги поврзува северните и јужните делови на Појасот Газа. Ова се случи по интензивните ноќни борби, кои сепак успеаја да го забават напредувањето на израелските сили од исток.

Израелски воени авиони сега летаат над областа, изведувајќи напади. Постојано се слуша татнежот од експлозии, а колони густ чад се издигнуваат над градот, пренесе БТА.

Кан Јунис моментално е дом на стотици илјади цивили кои избегаа од другите делови на палестинската енклава.