ИЗРАЕЛ ВЛЕГУВА ВО “ПЕКОЛОТ“ ШТО САМ СИ ГО СОЗДАДЕ – Прекин на огнот повеќе не е можен: “Постои само еден излез…“
Израел влегува во пеколот што самиот го создаде, но прекинот на огнот повеќе не е опција. Вака редакцијата на угледниот неделник The Economist ја коментира актуелната ситуација во разурнатата Газа, наведувајќи дека се додека Хамас владее со опколената палестинска енклава, мировно решение не е остварливо.
Неделникот пишува дека прекинот на огнот е непријател на мирот затоа што ќе и овозможи на милитантната исламистичка група да продолжи да владее со Појасот Газа:
„Се додека Хамас владее со Појасот Газа, мирот е невозможен. Израелците ќе се чувствуваат несигурни, па нивната Влада превентивно ќе ја напаѓа Газа секогаш кога Хамас се заканува. Единствениот излез од циклусот на насилство е да се уништи владеењето на Хамас, што значи да се убијат неговите водачи и да се уништи неговата воена инфраструктура“, се вели во анализата на The Economist.
The Economist повикува на војна која би го деградирала Хамас до степен што ќе дозволи „нешто подобро“ да го заземе неговото место.
„Важно е како Израел ја води оваа војна. Мора да го исполни своето ветување дека ќе го почитува меѓународното право, а борбите престануваат само ако сигнализираат дека се променило нешто. Во моментов, тоа значи ослободување многу повеќе хуманитарна помош и создавање вистински безбедни зони во јужниот дел на Појасот Газа, Египет и, како најискрен гест на добра волја“, пишува The Economist.
Друг услов за мир е доаѓањето на ново раководство во Израел и Палестина, кое ќе ја обезбеди безбедноста во Појасот Газа. Израел не може да пристапи од позиција на мир ако дејствува како окупаторска сила, а Палестина не може да гарантира безбедност додека екстремистите се на власт. Деновите на власт на Бенјамин Нетанјаху се избројани бидејќи неговата репутација како најжесток бранител на израелскиот народ е уништена.
„Колку побрзо оди, толку подобро. Неговиот наследник ќе мора да добие мандат за нова безбедносна доктрина. Ова треба да вклучи план за мир и задржување на израелските доселеници, кои сè уште ги малтретираат и убиваат Палестинците на Западниот Брег“, според The Economist.
Палестинците, од друга страна, треба да најдат умерен лидер со демократски мандат. Неделникот посочува дека главни виновници за зајакнувањето на Хамас во Појасот Газа се Бенјамин Нетанјаху, кој ги саботираше палестинските лидери и Махмуд Абас, претседателот на палестинската управа, кој со години го кочи одржувањето на изборите затоа што се плаши од губење на власта.
Појасот Газа најмногу ќе има корист од меѓународната коалиција, која ќе се состои од претставници на сите арапски земји кои се против Хамас и неговиот поддржувач Иран, со посредство на САД.
The Economist претходно тврдеше дека создавањето коалиција за која сите страни ќе можат да се согласат ќе бара „посветено лидерство“ од Соединетите Американски Држави и доверба од земјите во регионот.
