Израел изврши воздушни напади врз главниот град на Сирија
Воздушните напади, наводно, биле од правец на Голанската висорамнина и биле насочени кон голем број локации во југозападен Дамаск.
Израел изврши воздушни напади врз Дамаск, главниот град на Сирија, во средата рано наутро, јавуваат локалните медиуми, пренесува Анадолија.
Повикувајќи се на воен извор, сириската државна новинска агенција САНА објави дека некои воени пунктови во југозападниот дел на Дамаск биле мета во 01:05 часот по локално време.
Изворот за САНА изјави дека израелските авиони извршиле напади од правец на Голанската висорамнина.
Засега израелските власти не го објавија нападот.
Елементи на либанската група Хезболах, како и сириската армија и терористичките групи поддржани од Иран се присутни во Дамаск и неговите рурални области.
Од почетокот на сириската граѓанска војна во 2011 година, Израел периодично извршува напади врз групи поддржани од Иран и воени пунктови на сириската армија.
