Израел уништи цело семејство во Рафа, убиени десетици членови на семејството Заруб

– Израел продолжува да го напаѓа блокираниот Појас газа веќе 42 дена.

Додека во израелските напади досега се убиени над 12.000 Палестинци, сите членови на десетици семејства се избришани од евиденцијата на населението.

Семејството Заруб изгуби 16 членови на семејството во израелските бомбардирања во кои е уништена и нивната куќа во градот Рафа во јужниот дел на Газа. Последните 48 часа во новите напади се убиени 32 члена на ова семејство.

Семејството Заруб е едно од оние кои се избришани од евиденцијата на населението.