Илон Маск го поддржа Новак Ѓоковиќ! Најбогатиот човек на планетата на овој начин му додели признание на најдобриот! (фото)

Откако најдобриот светски тенисер Новак Ѓоковиќ го победи Лоренцо Музети во полуфиналето на Олимписките игри, тој ги крена сите на нозе со објава на социјалните платформи.

-Овој сон траеше долго и за него се борев. Толку долго сакав да се натпреварувам во олимпиското финале. Претставувањето на мојата земја на глобален настан е огромна привилегија и чест што ја негувам. Србија во недела ќе има медал!!! Ideeeemooooo – напиша Ѓоковиќ, а на неговите зборови не остана имун ниту сопственикот на оваа платформа и најбогатиот човек на светот, Илон Маск.

Под објавата на Новак остави два емотикона – два „огна“ и на тој начин му даде поддршка во својата борба за златен медал.

Со оглед на тоа што во 2008 година освои бронза во Пекинг, ова е втор медал за Србија на Олимписките игри за Новак.

Тој во недела од 14 часот ќе се бори за златото со Карлос Алкараз и доколку победи ќе стане само петтиот играч кој го постигнал златниот слем во кариерата.

Ова престижно достигнување вклучува освојување на сите четири Грен слем турнири и златен олимписки медал во поединечна конкуренција. Ова досега им успеало само на Штефи Граф, Андре Агаси, Рафаел Надал и Серена Вилијамс.