Илон Маск повторно предизвика хаос во Берлин, ден пред предвремените избори во Германија

Американскиот милијардер Илон Маск , кој е и близок соработник на американскиот претседател Доналд Трамп, објави денеска на платформата X објава со шест германски знамиња меѓу кои едноставно напиша „AfD“ ( Алтернатива за Германија ).

Во Германија утре се одржуваат парламентарни избори, а Маск претходно изрази поддршка за АфД.

„Многу е важно што луѓето во Германија се горди што се Германци“, рече Маск неодамна во обраќањето со видео врска на митингот на АфД во Хале ан дер Заал, истакнувајќи дека германската култура датира „илјадници години“ и дека римскиот император Јулиј Цезар бил „импресиониран“ од борбениот дух на германските племиња.

Маск рече дека сегашната германска сојузна влада не е заинтересирана за „здравјето и благосостојбата на германскиот народ“ и дека наместо да се занимава со овие прашања, „владата агресивно ја потиснува слободата на изразување“.

🇩🇪🇩🇪🇩🇪 AfD! 🇩🇪🇩🇪🇩🇪

— Elon Musk (@elonmusk) February 22, 2025

Тој потоа ја повика АфД да се бори за правото на Германија на поголемо самоопределување и помало влијание од Брисел и оцени дека копретседателката на АфД Алис Вајдел ќе биде многу добра германска канцеларка.

Како што наведе, АфД има целосна поддршка од администрацијата на Трамп.