Илјадници војници на НАТО учествуваат во воени вежби во регионот на Балтичкото Море

Околу 9.000 војници од 20 земји на НАТО учествуваат во воени вежби овој месец во регионот на Балтичкото Море, кој е стратешки чувствителен поради руската агресија врз Украина. Шведска и порано учествуваше во вежбите, а сега првпат како членка на НАТО.

Вежбите вклучуваат отстранување мини од морето, откривање подморници, десанти и медицинска помош во случај на голем број повредени.

Целта е унапредување на интероперабилноста на силите и вежбање на заедничко дејствување, рекоа официјалните лица.

Вежби на поморските, воздушните и копнените сили се одржуваат во Балтичкото Море, како и во Шведска и нејзиниот стратешки остров Готланд, во Литванија, Полска и Германија. Ќе бидат распоредени 50 бродови и 45 авиони и хеликоптери.

Вежбите се организирани од НАТО поморските сили за напад и поддршка и Шестата флота на американската воена морнарица.