,,Имаме моќно оружје за кое никој не знае” – Трамп по тарифната војна ѝ се заканува на Кина со вистински арсенал? „Си е паметен, телефонот ќе заѕвони во одреден момент“ (фото)
Набргу по потпишувањето на новиот контингент на извршни наредби вчера, американскиот претседател Доналд Трамп рече дека не е загрижен оти трговската војна со Кина може да ескалира во поинаков вид на конфликт.
– Мислам дека претседателот (на Кина) Си Џинпинг е многу паметен човек. Мислам дека ќе добијат многу добар договор. Знаете, сите тие години бевме третирани лошо. Повторно велам, дозволивме да се случи. Сите тие години нè третираа лошо. Не очекувам ескалација. Претседателот Си е еден од многу паметните луѓе во светот. Мислам дека не би дозволил тоа да се случи – рече Трамп.
Тој не застана тука.
– Ние сме многу моќни. Оваа земја е многу моќна. Ќе ти кажам… тоа е многу помоќно отколку што луѓето сфаќаат. Имаме оружје за кое никој не знае. И тоа е најмоќното оружје на светот. Многу помоќно… ниту блиску. Никој не сака да го прави тоа. Кога станува збор за ескалација, мислам дека претседателот Си знае точно што треба да се направи. Тој е многу паметен човек, ја сака својата земја, го знам тоа. Го познавам добро. Мислам дека ќе сака да направи договор и мислам дека тоа ќе се случи. Ќе дојде телефонски повик за момент. Тоа ќе биде голема работа за нив, ќе биде голема работа за нас, ќе биде голема работа за светот и за човештвото – рече Трамп.
Неговата изјава дојде откако за 90 дена го одложи воведувањето на таканаречените реципрочни царини за производите увезени од САД од повеќе од 70 земји.
Меѓу оние земји кои привремено ја поштеди царината, не беше пронајдена Кина, која ја оптоварува со царина од 125 отсто.
Тој ја донел таа одлука откако Кина одговори на царините што претходно и ги воведе со царини за американски производи во износ од 84 отсто.
Дејвид Рени, уредник за геополитика на магазинот Економист, во гостувањето на Би-Би-Си рече дека Кина внимателно го испланирала својот одговор на нападот на царините на Трамп.
Тој тврди дека Пекинг во својот арсенал има и краткорочни и долгорочни контрамерки.
