Инвазијата на Путин врз Украина промени сè: Членките на НАТО размислуваа за војна со Русија
Целосната инвазија на Владимир Путин врз Украина ги охрабри членките на НАТО детално да го испланираат она што беше незамисливо од крајот на Студената војна, имено директен конфликт со Русија.
Сепак, пред Самитот на блокот во Вилнус, Литванија, што започнува на 11 јули, каде што конфронтацијата со Русија ќе биде главна точка на агендата, сер Ричард Ширеф, поранешен заменик врховен командант на сојузничките сили за Европа, рече дека НАТО е не е подготвен за војна со Москва.
„Потребен е вистински удар во грб“, изјави тој посочувајќи на намалувањата на воените буџети меѓу членките на Алијансата, иако има исклучоци, како што е Полска.
„Во источна Европа се води војна од големи размери. Ова е војна на земјата и на небото, затоа треба да се инвестира во небото и земјата … Минатата година на Самитот во Мадрид (генералниот секретар на НАТО) Јенс Столтенберг најави дека НАТО ќе го зголеми бројот на сили за висока готовност на 300.000 луѓе, а тоа едноставно не се случи“, рече Ширеф.
Поранешниот британски генерал рече дека војската на Обединетото Кралство е пример за таквите намалувања во блокот што се сведени на „смешни размери“ бидејќи одбранбениот естаблишмент верува дека Кина, а не Русија, е главната долгорочна закана.
„Тука е важна географијата и Русија е волкот што е најблиску до санките“, изјави Ширеф, партнер на консултантската компанија „Стратегија ворлдвајд“.
Тој верува дека дошло до „неуспех на одвраќањето“ од страна на Алијансата, која пропушти можност да изгради капацитет откако Путин го зазеде Крим во 2014 година.
„Дали сум убеден дека НАТО навистина ќе може да создаде сили подготвени за конвенционална војна со Русија? Не, не“, изјави британскиот генерал.
Дури и ако Кремљ и руските државни медиуми кажат дека тоа е конфликт помеѓу Москва и НАТО, Алијансата се потруди да избегне директна улога во борбите и наместо тоа ја снабдува Украина со опрема за да се спротивстави на агресијата на Москва.
Еден од највисоките функционери на НАТО, адмиралот Роб Бауер, во мај изјави дека Алијансата мора да се подготви за фактот дека „во секое време може да дојде до конфликт“ директно со Москва.
Поради тоа НАТО анализира илјадници страници доверливи документи кои ги прикажуваат регионалните планови и упатства за тоа како членките можат да ги подобрат своите сили и логистика.
Плановите, исто така, вклучуваат назначување на војници за одбрана на различни региони со детали за тоа „каде, што и како ќе бидат распоредени“, изјави Столтенберг минатиот месец.
Столтенберг во март објави дека Алијансата ќе распореди четири нови борбени групи, секоја со околу 1.500 војници, ширум Бугарија, Унгарија, Романија и Словачка. Целта е „да се зајакне позицијата на НАТО во сите домени со големо зголемување на силите во источниот дел на Алијансата, на копно, во воздух и на море“, изјави генералниот секретар на Алијансата.
