Индијците тврдат дека убиле 12 терористи и го уништиле кампот, Пакистан негира детали за нападот што го потресе светот

Индиската телевизија „Њуз 18“ вечерва објави дека 12 „терористи“ се убиени, а 55 од нив се ранети во нападите што ги започна Индија врз наводни терористички ќелии во Пакистан.

Истите медиуми известуваат дека наводниот терористички камп во градот Музафарабад на пакистанската територија Азад Кашмир бил „срамнет со земја“ во еден од воздушните напади започнати вечерва.

Од друга страна, пакистанскиот министер за одбрана потврди дека најмалку тројца цивили, меѓу кои и едно дете, се убиени откако Индија испалила ракети на пакистанска територија.

„Тие нападнаа повеќе локации, сите цивилни… Потврдивме извештаи за тројца убиени цивили, вклучувајќи едно дете“, изјави Хаваџа Мухамед Асиф за АФП.

Индиската армија објави дека нападите како дел од операцијата „Синдор“ биле „фокусирани, умерени и неескалирачки по природа“ и дека не биле насочени кон пакистанската армија, додека пакистанската армија тврди дека индиската армија погодила само цивилни цели, а не и местата каде што се наоѓа пакистанската армија.