ИРОНИЈАТА НА ЕВРОПСКАТА УНИЈА – Протекоа патните налози на Чарлс Мишел и Урсула фон дер Лајен: “Значи, дали за нив важат некои други правила на игра !?“
И покрај тоа што им најавуваат на граѓаните амбициозни пакети мерки со кои сакаат да ја направат Европа климатско неутрална до 2030 година, лидерите на Европската унија не се колебаат често да користат приватни авиони за своите бројни службени патувања.
Притоа, според патните налози, кои ги доби редакцијата на еминентниот весник Politico, претседателот на Европскиот совет, Чарлс Мишел, користел приватен авион за дури 72 од вкупно 112 службени патувања. Иронијата не може да биде поголема ако се земе предвид дека меѓу патувањата на кои првиот човек на Европскиот совет заминал со приватен авион биле самитите за климата во Египет и Глазгов, каде Мишел пред учесниците ја нагласи потребата за „одлучни и амбициозни мерки во борбата против климатските промени“.
„Климата држи пиштол во раце за нашите храмови“, порача тој од египетското одморалиште „Шарм ел Шеик“, каде што се одржа конференцијата COP27 во ноември минатата година, на учесниците кои, за разлика од лидерите на Европскиот совет, поради природата на настанот, се погрижија да патуваат во Египет со поеколошки комерцијални летови.
Вреди да се напомене дека во приватниот авион за Египет му се придружила и претседателката на Европската комисија, Урсула фон дер Лајен, која ретко успева да користи позелени транспортни средства поради пренатрупаниот распоред, како што објасни нејзиниот портпарол Ерик Мамер. „Треба да се нагласи дека Мишел и Фон дер Лајен патувале со своите тимови во еден авион, поради што се обиделе да го оптимизираат патувањето и да го намалат јаглеродот под дадените околности“, се вели во објаснувањето од нејзиниот кабинет за весникот.
Според податоците на невладината организација Transport & Environment, приватен авион испушта два тони јаглерод диоксид за време на еден час лет, што значи дека во петте часа од патувањето до египетското одморалиште „Шарм ел Шеик“, двајцата челници на ЕУ, според конзервативната проценка, емитирале дури 20 тони CO 2. За споредба, просечниот Европеец испушта само седум тони јаглерод диоксид годишно.
Сепак, токму на овие Европејци Европската унија им најавува многу ригорозни пакети мерки за да ги мотивира да го користат авионот како превозно средство што е можно поретко на нивните патувања, поради што мора да се постави повеќе од очигледното прашање – дали Европските претставници сметаат дека за нив важат некои други правила на игра ?.
