И НАЈГОЛЕМИТЕ ГИГАНТИ НЕ СЕ БЕЗБЕДНИ – Прво негираа се, па потоа признаа! Хакери ги украдоа податоците на позната компанија: “Ова е многу загрижувачки“
Мистеријата на вонземскиот живот и НЛО може конечно да се разоткрие со помош на свиркачите на Пентагон и вселенските дилери, а таа може да ја промени нашата перцепција за светот каков што го знаеме.
Пред неколку месеци на форумите на Dark Web (забранет Интернет) почнаа да се појавуваат наводи на досега непознатата хакерска група со име Ramsomed VC, која тврди дека има пристап до внатрешните системи на компанијата Sony.
Украдените податоци биле со големина од 3,1 гигабајти, а хакерите тврделе дека ги содржи сите податоци за користење на внатрешниот софтвер, како и податоците и карактеристиките на новите уреди.
Иако Sony првично го негираше ова, пред неколку дена компанијата објави дека навистина доживеале голем хакерски напад. Хакерите дошле до податоци од внатрешен софтвер наречен „MOVEit“, кој инженерите го користат за испраќање податоци при дизајнирање производи. Засега не е јасно дали хакерите имале пристап и до податоците на милиони корисници кои користат уреди на Sony со пристап до Интернет.
Хакерскиот напад врз Sony покажува дека ниту најголемите технолошки гиганти не се заштитени. Sony е т.н „корпоративен гигант“, а освен потрошувачка електроника, има и делови кои се занимаваат со професионални фото и видео уреди, како и производство на сензори (Sony Semiconductor), забавна гранка – PlayStation и Sony Pictures, софтвер – Sony Interactive и финансиската корпорација Sony Financial Group. Компанијата има годишен обрт од над 80 милијарди долари.
Загрижува и можноста за хакерски напад врз толку големи компании бидејќи Sony користи различни системи за навигација во автомобилите и бројни процесори и чипови кои ги користат другите големи производители на електроника и паметни телефони. Sony неодамна го претстави својот прв прототип на електричен автомобил, Sony Vision S, во соработка со јапонскиот производител на автомобили Honda. Sony годишно продава околу 1,8 милиони фотоапарати и има околу една четвртина од светскиот пазар во овие области. Големите производители на паметни телефони како Xiaomi, Oppo и OnePlus исто така ги користат сензорите за камерата на Sony во нивните уреди.
