КАКО ВО ХОРОР ФИЛМ – Група тинејџери ја барале куќата на нивен пријател кога наеднаш ‘тропнале’ на погрешна адреса: Сопственикот излегол и брутално убил млада девојка, но тоа не бил крајот…
Млада девојка која ја барала куќата на нејзин пријател во северниот дел на Њујорк била застрелана и убиена откако таа и нејзините пријатели тргнале во погрешна насока, соопштија тамошните медиуми во понеделникот.
„Кејлин Гилис (20 г.) се возела во автомобил во округот Вашингтон во саботата вечерта со уште три лица“, изјави шерифот на округот Вашингтон, Џефри Марфи.
Пријателите влегле во патеката на „Патерсон Хил Роуд“ во Хеброн, но брзо ја сфатиле својата грешка и се обиделе да заминат. Но, во тој момент сопственикот на имотот излегол на терасата од куќата и испукал два куршуми кон возилото, а еден од тие куршуми ја погодил 20-годишната девојка.
„Тоа е многу рурална област каде што патиштата честопати се слабо осветлени ноќе, има земјени патишта, нема многу мобилни услуги или каков било вид на Интернет“, изјавил шерифот за локалните медиуми.
„Групата пријатели се обидела да се јави на 911, но морале да возат неколку километри до гробиштата во Салем за за да воспостават сигнал“, објаснил шерифот. Медицинскиот персонал кој дошол на местото на настанот не успеал да го спаси девојчето.
„Никој од групата не излегол од возилото ниту се обидел да влезе во куќата на Монахан пред тој да отвори оган“, рекол шерифот.
Полицијата набрзо пристигнала на местото на настанот, но сопственикот на куќата Кевин Монахан (65 г.) не сакал да соработува.
„Не сакаше да излезе и да разговараме. Имавме мала ситуација“, опишал шерифот.
По судирот кој траел повеќе од еден час, Монахан се предал, а тој бил обвинет за убиство од втор степен.
Кејлин Гилис беше убиена два дена откако Ралф Јарл (16 г.) беше застрелан и ранет откако тропнал на погрешна врата во Канзас Сити, Мисури. Осомничениот во случајот со тинејџерот првично бил ослободен, но подоцна бил обвинет за две кривични дела.
Мисури е една од 30-те држави со т.н. закони „застани“ кои им дозволуваат на сопствениците на имот прво да пукаат, а подоцна да поставуваат прашања, додека Њујорк не е една од тие држави во САД.
