Како да препознаете недостаток на калиум

Калиумот е еден од најважните минерали, кој учествува во регулирањето на срцевиот ритам и одржувањето на нервниот систем.

Калиумот ја регулира функцијата на мускулите и му помага на телото да ја користи гликозата како извор на енергија.

Без адекватен внес на калиум, вашето тело не може да го одржува здравјето на срцето и крвните садови, мускулите, нервите, кожата или бубрезите.

Иако многу луѓе веруваат дека компирот и бананите се најдобриот извор на калиум, постојат многу подобри извори, како што се зелен лиснат зеленчук, агруми, домати, семки од сончоглед и цели зрна.

Калиумот е неопходен минерал за телото. Неопходен е за здравјето на срцето, бубрезите и другите органи.

Калиумот им овозможува на мускулите да се движат, нервите да пренесуваат пораки до мозокот, а бубрезите да ја филтрираат крвта.

Телото мора да има правилен баланс на калиум за срцето да биде здраво.

Постојат различни симптоми на недостаток на калиум во телото. Ако забележите дека некој од овие симптоми трае повеќе од една недела, тогаш консултирајте се со вашиот лекар:

• Запек;
• Сува кожа;
• Екстремна жед;
• Задржување на вода, особено во рацете или нозете;
• Неправилно чукање на срцето;
• Висок крвен притисок;
• Нервоза;
• Мускулна слабост.

На повеќето здрави возрасни луѓе им требаат околу 4.700 милиграми калиум дневно, што е релативно лесно да се консумира преку урамнотежена исхрана.

Сепак, статистичките студии покажаа дека голем процент од луѓето не внесуваат доволно калиум бидејќи не ги следат упатствата за здрава исхрана, што е главната причина зошто лекарите често препорачуваат да земаат суплементи.