,,Како Југо нема друго!” – Сигурноста му беше второ име а Американците лудуваа по него: За жал, се случи неочекуван пресврт (фото/видео)

„Врвно инженерско достигнување од Југославија“ , „Од сообраќаен метеж до специфичен терен“, „Како Југо нема друго“… Вака беше опишувано Југото, единствениот југословенски автомобил извезен во Соединетите Американски Држави.

Неколку снимки со насмеани луѓе – еве сме на плажа, па трки со коњи, снимка од планина, автомобил што незапирливо се трка низ сите терени, насмеани Американци, нов кадар, повеќе акција…

Рекламите со кои Американците го промовираа Југото на својот пазар беа како мини акциони филмови!

– Ви го претставуваме новото Југо. Прекрасно инженерско достигнување од Југославија. Од сообраќаен метеж до сложени терени, Југо ќе ве однесе насекаде. Од западниот до источниот брег, Југо ја надминува конкуренцијата. Сигурноста е неговото второ име. Доверливоста и безбедноста сега добиваат сосема ново значење. Не одложувајте – вашиот сон за цврст и сигурен автомобил конечно може да се оствари. Купете си слобода. Купи Југо. Повеќе слобода за помалку пари… – се огласи за Југо во реклама од 1985 година.

Првите модели пристигнаа на американскиот пазар во 1985 година, рекламирани како евтини алтернативи на скапите американски возила. Нивната почетна цена беше помала од 4.000 долари, што беше многу примамливо во тоа време. Вкупно, во САД беа продадени околу 140.000 примероци на Југо, но по првичниот голем интерес, „балонот“ пукна… Дистрибуцијата престана во 1992 година.

– Тоа е неквалитетно и несигурно . Има многу проблеми… – пишуваа за него американските медиуми.

Југото подоцна се појави на неколку листи за ,,Најлоши автомобили во историјата“ . Во Америка сè уште се нарекува симбол на лош автомобил, но и покрај тоа, тој доби култен статус меѓу колекционерите и љубителите на „брзинските автомобили“ од Источна Европа.