Камерата сними два ретки црни волци: Истражувачите бараа нешто сосема друго и беа изненадени
Камерата снимила два ретки црни волци како шетаат низ поток во Полска во текот на летото, а снимката неодамна ја објави тамошната фондација за заштита на дивиот свет.
Гледањата поттикнаа ново истражување за разбирање на енетиката за овие неверојатни суштества
Камерата ја постави координаторот на проектот Јоана Тоџидловска за да го набљудува однесувањето на дабарот. Неколку недели подоцна, кога ја прегледале снимката, забележале црни волци.
„Тоа е нешто сосема ново и необично“, изјави таа за АП.
Затоа организацијата започна проект за собирање на нивниот измет во шумата. Анализата ќе обезбеди вредни генетски информации кои би можеле да го објаснат потеклото на нивното црно крзно и зошто тоа е распространето.
Во една снимка, црн волк и сив волк полека преминаа низ потокот во шумата, водата стигна речиси до нивните стомаци, пред да скокнат на брегот. Друго видео, снимено минатата есен, прикажува два црни волци и еден сив како поминуваат низ истиот поток.
Повеќето од 2.500 до 3.000 волци во Полска се сиви, со црвеникави или црни нијанси.
Црното крзно доаѓа од генетска мутација која најверојатно настанала кај припитомени кучиња пред неколку илјади години. Темното крзно е ретко во Европа поради намалената генетска разновидност, но, на пример, најмалку половина од волците во Националниот парк Јелоустоун во САД имаат црно крзно.
Бидејќи волците патуваат во глутници, а двата црни волци тежеле околу 30 килограми, експертите веруваат дека најверојатно се брат и сестра и на возраст од околу една година.
Организацијата за заштита на природата, која 13 години ги набљудува волците во Полска, не открива за која шума станува збор за да ги заштити животните од ловокрадците.
Волците беа практично исчезнати во Полска до 1950-тите, но нивната популација беше обновена во последниве години, особено во централните делови на земјата.
Тоџидловска и нејзините колеги ја едуцираат јавноста како да се живее безбедно во областите каде живеат глутници волци.
„Ова е нов феномен за луѓето, па образованието е една од нашите главни цели“, рече Роман Гула, раководител на проектот за следење на волците.
