Кардиолози: Овие намирници се најдобри за здравјето на срцето

Храната што редовно ја консумираме влијае на здравјето на целиот наш организам, особено на здравјето на срцето.

Според кардиолозите, постојат одредени намирници кои се исклучително здрави за срцето. Зелен лиснат зеленчук.

Ова е една од најдобрите намирници за срцето поради неговите нутритивни вредности. Зелениот лиснат зеленчук како спанаќот, зелената салата, се совршен избор за витамините А, Ц и К, заедно со фолна киселина и омега-3 масни киселини. 

Авокадо

Познат по здравите масти, витамините Ц, Е, К, рибофлавин, ниацин, магнезиум и калиум. Според една анализа од 2022 година, две или повеќе порции авокадо неделно биле поврзани со 16 отсто помал ризик од кардиоваскуларни болести и 21 отсто помал ризик од коронарна срцева болест. 

Јаболка

Едно јаболко на ден помага да бидете здрави. Кардиолозите тврдат дека јаболката имаат улога во намалувањето на крвниот притисок, а освен тоа се богати и со витамини Ц и К.

Бобинки

Сите добро знаеме колку редовното консумирање бобинки е добро за нашето здравје, а кардиолозите тврдат дека тоа особено добро влијае на здравјето на нашето срце. Ова овошје е богато, не само со витамин Ц, туку и со голема количина на други антиоксиданси кои помагаат во борбата против ракот и го минимизираат воспалението во нашите вени што доведуваат до проблеми со срцето, како и со целиот кардиоваскуларен систем.