Кајли Џенер предизвика бурни реакции поради врската со Тимоти Шаламе: „Таа изгледа како мајка која е горда на својот син“

Кајли Џенер и нејзиното момче Тимоти Шаламет присуствуваа на Берлиналето, каде што беше промовиран филмот во кој Шаламе играше една од улогите.

Откако Шаламе се појави на црвениот тепих пред специјалната проекција на филмот „A Complete Unknown“, тој повторно се собра со својата девојка во театарот. По тој повод, Кајли и Тимоти седнаа заедно додека публиката го награди Шаламе со аплауз за неговиот настап.

Џенер во еден момент го погали лицето на своето момче, а нејзината реакција предизвика низа коментари на социјалните мрежи.

Само дел од коментарите на Твитер беа: „Кајли изгледа како средовечна разведена мајка која се гордее со својот син“, „Одбивам да прифатам дека тие всушност се во врска“, „Изгледа дека Кајли сето ова го прави за камерите“, „Ова е најчудната врска“.

Првите гласини за врската на Кајли и Тимоти се појавија во април 2023 година, а само два месеци подоцна тие за првпат беа фотографирани заедно.

Извор близок до Кајли претходно откри за Us Weekly дека Тимоти и Кајли имаат посебен однос кој се трудат да го држат подалеку од камерите.