Кина безмилосно им возврати на Американците! Воведуваат царини од 84 отсто на нивната стока, на Трамп нема да му биде добро! Трговската војна излезе од контрола

Кина возврати на тарифната политика на американскиот претседател Доналд Трамп и ги зголеми царините за увоз од САД на повеќе од 80%.

Канцеларијата на Царинската комисија на Државниот совет на Кина објави дека тарифите за американските стоки ќе се зголемат од 34% на 84% почнувајќи од 10 април, според преводот на официјалното соопштение.

Пекинг сега ќе воведе увозен данок од 84 отсто на САД, што е 50 отсто зголемување во однос на претходните давачки.

Ова доаѓа откако САД оваа недела воведоа дополнителни царини од 50% за Кина. Ова следува по двете претходни давачки од 34% и 20%, што значи дека американските царини за кинески стоки изнесуваат вкупно 104% од утринава.

Претходно, Кина и соопшти на Светската трговска организација дека одлуката на САД да воведат царини се заканува дополнително да ја дестабилизира глобалната трговија.

„Ситуацијата опасно ескалира. Како една од засегнатите членки, Кина изразува сериозна загриженост и цврсто се спротивставува на овој непромислен потег“, се вели во соопштението на кинеските власти.

Тарифите објавени од американскиот претседател Доналд Трамп на 3 април стапија на сила денеска. 
Со овие царински давачки се опфатени околу 60 земји, вклучително и Србија. Станува збор за таканаречените реципрочни мерки.