КИНА ГО НАЈАВИ КРАЈОТ НА ВОЕНИТЕ МАНЕВРИ, НО ТОА НЕ Е СЕ: 9 кинески воени бродови и 26 авиони се уште кружат околу островот

Тајванските власти забележаа девет кинески воени бродови и 26 авиони околу островот, еден ден откако Пекинг објави крај на воените вежби.

Кина утрово мобилизираше воени авиони и ја премина неофицијалната демаркациона линија „од север, центар и југ“, соопшти тајванското Министерство за одбрана.

Кинеските бродови биле забележани околу 11:00 часот по локално време.

Во саботата Пекинг започна тридневна воена вежба „тотално опкружување“ против Тајван, организирана во знак на протест поради средбата меѓу тајванскиот претседател и претседателот на Претставничкиот дом на САД.

Кинески борбени авиони и воени бродови симулираа целни напади на островот како дел од воената вежба наречена „Единствен меч“, што Тајван го осуди.

САД го повикаа Пекинг да покаже воздржаност.

Целта на вежбите е да се симулира целосно опкружување на островот од 23 милиони жители, за што тврди Пекинг.