Кина признава: Ќе и позајми на Америка едно нешто и покрај тензиите

Кинеската Национална вселенска агенција денеска објави дека ќе им позајми на САД, Јапонија, Франција, Германија, Англија и Пакистан парчиња карпи што ги донеле од Месечината за време на мисијата во 2020 година.

Во соопштението се нагласува дека американско-кинеската соработка во одредени области како вселената не е целосно завршена и покрај тензиите меѓу двете земји околу геополитиката и царините.

Универзитетот Браун и Државниот универзитет во Њујорк во Стони Брук се меѓу седумте институции на кои им е дозволено да позајмуваат лунарни примероци земени од Месечината од Кина во 2020 година, пишува Ројтерс. 

Со беспилотната мисија Chang’e-5 во 2020 година, Кина стана третата земја која собира камења од површината на Месечината, заедно со поранешниот Советски Сојуз и Соединетите држави. По завршувањето на кинеската мисија Chang’e-6 во јуни минатата година, Кина стана првата земја која врати карпи од страната на Месечината што не е свртена кон земјата. 

Соработката на САД и Кина во вселената одамна е одвраќана со американскиот закон од 2011 година, кој се обидува да обезбеди американските технологии да останат надвор од дофатот на кинеската војска, според Ројтерс. 

Според тој закон, НАСА мора да работи со ФБИ за да му потврди на Конгресот дека преговорите со Кина нема да ја загрозат националната безбедност на САД. Шефот на НАСА, Бил Нелсон, во октомври изјави за Ројтерс дека очекува НАСА да соработува со ФБИ за да добие уште едно одобрение за национална безбедност за да дозволи испорака на карпи од Месечината на американските универзитети.

Главниот дизајнер на кинеската програма за истражување на Месечината, Ву Веирен, рече дека САД сега се затворени за соработка, иако тоа не беше случај во минатото, кога Кина беше затворена за соработка.