Кина ја претстави иднината на авијацијата: Ова е првиот лет на мистериозниот авион од шестата генерација (Видео)

Од Во Центар Последно обновено Дек 31, 2024

Кинескиот ловец од шестата генерација, познат како AVIC Baidi Type-B или „Бел Цар“ ,
го заврши својот прв лет, како што се гледа на снимката објавена на социјалните мрежи. Во текот на летот, леталото беше придружувано од петтата генерација ловец J-20 „Mighty Dragon“.

Кинескиот ловец од шестата генерација, познат и како „Белиот император“ (Baidi), е амбициозен концепт претставен на меѓународната авијациска изложба Жухаи во 2024 година. Развиен како дел од националниот проект „Nantianmen“ , овој авион е дизајниран за операции во атмосферата и во близина на вселената, со способност да достигне височини до 25.000 метри.

BIG: China’s next-generation (6th-gen) fighter jet made its first flight today. pic.twitter.com/ZryCr2baGA
— Clash Report (@clashreport) December 26, 2024

Нејзините клучни карактеристики вклучуваат стелт технологија, хиперсонична брзина, напредно оружје како ласери, како и интеграција на вештачка интелигенција (ВИ) што овозможува автономна или полуавтономна контрола. Дизајнот на авионот се одликува со делта крилја и продолжени внатрешни места за оружје, кои ја зголемуваат прикриеноста и ја намалуваат рефлексијата на радарот. Покрај тоа, „Белиот Цар“ е опремен со напредни електронски системи за обработка на податоци во реално време, што го прави способен за истовремено дејствување на повеќе цели.

Покрај Кина, на развој на авиони од шестата генерација работат и други земји. Проектите како американскиот NGAD и European Tempest се дел од глобалната трка за нова генерација борбени авиони. Доколку се потврди дека првиот лет на „Белиот Цар“ е успешно изведен, Кина се приближува кон врвот во овој сегмент.

Проектот AVIC Baidi Type-B предвидува влез во оперативна употреба околу 2035 година, што е во согласност со плановите на другите земји за авиони од шестата генерација. Овие случувања ја покажуваат растечката улога на Кина во глобалната авијација и нејзината цел да стане водечка сила во воената технологија.