Ковачевски: Изборите ќе бидат редовни, тоа е одамна апсолвирано
Премиерот и претседател на СДСМ, Димитар Ковачевски денеска го повтори ставот дека нема да има предвремени парламентарни избори и дека тие ќе бидат редовни.
„Уште во моето експозе кога станав претседател на Владата кажав дека ќе имаме редовни избори, опозицијата во неколку наврати тврдеше дека ќе има предвремени избори и сега да каже дека ќе има редовни избори, така што тоа прашање е одамна апсолвирано“ посочи Ковачевски.
Во однос на евентуалниот датум на одржување на следните парламентарни избори, премиерот истакна дека тоа треба да го договорат сите политички партии.
