Кои се сите придобивки од консумирањето мача: Го намалува стресот и анксиозноста

Матчата е направена од горните три слоја на младите листови од растението Camellia sinensis, а според експертите, консумирањето мача води до намалување на стресот и анксиозноста.

Ефектите на мачата во голема мера се должат на две соединенија, Л-теанин и епигалокатехин галат. Л-теанинот е аминокиселина што се наоѓа во зелениот чај и има смирувачки ефект, а бидејќи мачата е концентрирана форма на зелен чај, се смета дека Л-теанинот има поизразен ефект поради поголемата количина.

„Докажано е дека промовира релаксација без седација со зголемување на активноста на алфа-мозочните бранови и модулирање на невротрансмитери како што се ГАБА, допамин и серотонин“, објаснува д-р Ли А. Фрејм.

Мачата исто така содржи растително соединение EGCG, кое може да помогне во намалувањето на воспалението и оксидативниот стрес што може да биде поврзан со анксиозност. Исто така, мачата содржи помалку кофеин од кафето или еспресото. Кофеинот брзо се апсорбира во телото, го стимулира нервниот систем и може да го зголеми нивото на адреналин и кортизол, т.е. хормони поврзани со стрес.

Она што ја прави матчата посебна е тоа што содржи и други елементи како што е Л-теанин, кој ги намалува ефектите на хормоните на стрес и му помага на телото да остане смирено и фокусирано, без ненадејни скокови на енергија и нервоза.

Постојаното пиење мача може да биде корисно во намалувањето на стресот, па дури и повремена шолја мача може да биде корисна, пишува Verywell Health.

Мачата е одлична во многу јадења, како што се десертите, но EGCG и L-теанинот можат да бидат уништени од високите температури што обично се користат при продолжено готвење. Затоа, најдобро е да се консумира мача како пијалок.