Колку ќе заработи победникот од вечервашниот натпревар помеѓу ПСЖ и Реал Мадрид?

Второто полуфинале од Светското клупско првенство меѓу ПСЖ и Реал Мадрид се игра вечерва на стадионот „Метлајф“ во Њу Џерси, а освен престижот на резултатот и пласманот во финалето, овој натпревар има и големо финансиско значење.

Имено, победникот од овој натпревар ќе заработи неверојатна бројка од 30 милиони евра.

Доколку Реал го постигне овој подвиг, неговата вкупна заработка од турнирот ќе изнесува повеќе од 110 милиони евра.

Доколку ПСЖ победи, неговата заработка ќе изнесува нешто помалку од 100 милиони евра.

Да потсетиме, францускиот клуб е актуелен европски шампион, а Реал е познат по тоа што е еден од најтрофејните клубови во светот, па затоа овој натпревар за многумина претставува финале пред финалето.

Во претходните фази од натпреварувањето, двата клуба ги елиминираа германските претставници – ПСЖ Баерн со резултат од 2:0 и Реал Борусија Дортмунд со резултат од 3:2.

Натпреварот започнува вечерва во 21:00 часот по локално време, а преносот е достапен преку платформата DAZN.