Косово, Албанија и Хрватска планираат заедничко купување американско оружје

Во склучениот одбранбен договор на трите држави како една од точките е наведена заедничка набавка на оружје и воена опрема со цел интегрирање и хармонизирање на воените капацитети.

Според косовскиот министер за одбрана Ејуп Македончи, овој пристап кон заедничка набавка на воена опрема обезбедува побрза испорака во една наместо во три одделни нарачки.

„На пример, видот на оружје што сите три земји се заинтересирани да го купат од САД може да се нарача како една заедничка набавка, користејќи го законодавството на секоја земја, но количината и времето на испорака треба заеднички да се утврдат, бидејќи кога купувате повеќе од САД, тоа чини помалку и пристигнува побрзо“, рече Македонци.

Вооружените сили на сите три земји активно користат воена опрема и оружје од САД, со оглед на тоа што се во заеднички процес на транзиција од источна и советска кон западна и американска опрема.

Покрај соработката во вооружената индустрија, од земјите се очекува да спроведуваат билатерални и трилатерални воени вежби, како и да соработуваат во военото образование преку воени академии и колеџи.

Овој договор предвидува размена на информации и разузнавачки служби меѓу земјите-партнери за спречување на заеднички предизвици.