КОЈА Е ВИСТИНСКАТА ЦЕЛ НА ХАМАС !? Тие го поткопаа преуредувањето на поредокот на Блискиот Исток: “На повидок беше клучен договор“

Нападот на Хамас врз Израел има за цел да ги запре напорите за регионални безбедносни врски кои би можеле да ги загрозат палестинските аспирации за државност и амбициите на Иран, нивниот главен поддржувач, пишува медиумската агенција Reuters.

Саботниот напад, најголемиот на Израел во последните децении, се совпаѓа со напорите да се турка Саудиска Арабија, со американска поддршка, кон нормализација на односите со Израел во замена за одбранбениот договор меѓу Вашингтон и Ријад, кој ќе го запре неодамнешното зближување на кралството со Техеран.

Палестински официјални лица и регионален извор велат за Reuters дека вооружените напаѓачи, кои убија најмалку 300 Израелци и зедоа заложници, исто така испратија порака дека Палестинците не можат да бидат игнорирани доколку Израел сака безбедност и дека каков било договор со Саудиска Арабија ќе го поништи детентот со Иран.

Во реакцијата на Израел беа убиени повеќе од 300 жители на Појасот Газа.

„Сите договори за нормализација што вие (арапските држави) ги потпишавте со Израел нема да го прекинат овој конфликт“, порача Исмаил Ханија, лидерот на Хамас, кој управува со Појасот Газа, пренесуваат странските медиуми.

Регионален извор запознаен со размислувањата на Иран и либанската група Хезболах, поддржана од Иран, вели дека ова е порака до Саудиска Арабија, која е потчинета на Израел, и до Американците кои ја поддржуваат нормализацијата и го поддржуваат Израел. 

„Нема безбедност во целиот регион се додека Палестинците се надвор од равенката“, нагласува изворот и додава: „Денес е пресвртница во конфликтот“.

Нападот на Хамас од Појасот Газа следеше по неколкумесечните немири на окупираниот Западен Брег, со зголемени израелски напади, палестински улични напади и напади од еврејски доселеници врз палестинските села.

Условите за Палестинците се влошија под десничарската Влада на израелскиот премиер Бенјамин Нетанјаху.

Лора Блуменфелд, аналитичар за Блискиот Исток на Универзитетот „Џон Хопкинс“ во Вашингтон, вели дека Хамас можеби нападнал затоа што се чувствувал ирелевантно додека истовремено ги унапредувала напорите кон пошироки израелско-арапски односи.

„Додека Хамас гледаше како Израелците и Саудијците се приближуваат до договор, тие одлучија: Нема место на масата ? Започнуваме војна“, вели таа.

Осама Хамдан, лидерот на Хамас во Либан, изјави за Reuters дека операцијата во сабота треба да ги убеди арапските држави дека прифаќањето на безбедносните барања на Израел нема да донесе мир.

„За оние кои сакаат стабилност и мир во регионот, почетната точка мора да биде ставање крај на израелската окупација“, тврди тој.

Бенјамин Нетанјаху вети „силна одмазда за овој црн ден“ по нападот, кој се случи речиси точно 50 години од почетокот на војната во Јом Кипур во 1973 година, кога египетските и сириските сили го нападнаа Израел.

„Беше неопходно раководството на отпорот да донесе одлука во соодветно време, кога непријателот е одвлечен од нивните гозби“, вели претставникот на Хамас, Али Барака.

Висок функционер во администрацијата на американскиот претседател Џо Бајден изјави за новинарите дека е навистина премногу рано да се шпекулира за ефектот што конфликтот Израел-Хамас може да го има врз напорите за нормализирање на саудиско-израелските односи.

„Би рекол дека Хамас, терористичките групи како Хамас, нема да го нарушат таквиот исход“, изјавил функционерот, кој сакал да остане анонимен.

Бенјамин Нетанјаху претходно изјави дека на Палестинците не треба да им се дозволи да стават вето на новите мировни договори на Израел со арапските држави.

Како одговор на ескалацијата на конфликтот, Саудиска Арабија повика на итно прекинување на насилството од двете страни.

Иран не ја крие својата поддршка за Хамас. Техеран го опиша нападот како чин на самоодбрана од страна на Палестинците.

Јахја Рахим Сафави, советник на врховниот водач на Иран, ајатолахот Али Хамнеи, вели дека Техеран ќе стои покрај палестинските борци до ослободување на Палестина и Ерусалим.

Палестински функционер близок до исламистичките милитантни групи изјави по нападот на Хамас дека Иран има свои удел на секоја ракета истрелана кон Израел.

„Ова не значи дека тие наредиле напад, но не е тајна дека Хамас и Исламскиот џихад успеаја да го подобрат својот арсенал благодарение на Иран“, објаснил функционерот, кој сакал да остане анонимен.