Кој е Каш Пател, новиот директор на ФБИ? Демократите стравуваат дека ќе ги прогонува противниците на Трамп
Каш Пател е новиот директор на Федералното биро за истраги (ФБИ), кој беше потврден во Сенатот со 51 глас „за“.
Двете републикански сенатори, Сузан Колинс од Мејн и Лиза Мурковски од Алјаска, се единствените кои не го поддржаа по партиска линија, објави Гласот на Америка.
Пател, поранешен претставник на разузнавањето и Министерството за одбрана во првиот мандат
на Доналд Трамп, повика на радикална ревизија на ФБИ, ветувајќи дека ќе ја прошири својата улога за да ги вклучи илегалната имиграција и насилниот криминал, клучните приоритети на Трамп.
Пател беше меѓу најгласните критичари на истрагата на ФБИ против Трамп за прашања кои се движат од руското мешање во изборите во 2016 година, до задржувањето на доверливи документи од страна на Трамп во неговиот клуб од Флорида и неговите обиди да ги поништи изборите во 2020 година.
Демократите го нарекоа Пател неспособен да го води ФБИ, наведувајќи го неговото прифаќање на лажни тврдења за изборна измама во 2020 година и агенти на ФБИ кои го поттикнале нападот врз Капитолот на САД на 6 јануари 2021 година.
Но, Пател обезбеди широка поддршка од републиканците, кои го пофалија како реформатор. Директорите на ФБИ добиваат десетгодишни мандати како начин да се изолираат од политичко влијание и да ги спречат да служат на одреден претседател или администрација. Пател беше избран да го замени Кристофер Вреј, кого Трамп го избра во 2017 година и беше на оваа позиција повеќе од седум години, но се сметаше за недоволно лојален.
Тој поднесе оставка пред Трамп да ја преземе функцијата. Од оставката на Реј, ФБИ е предводена од привремени лидери, кои се судрија со Министерството за правда околу барањата за детали за агентите кои ги истражуваат немирите во Капитол. Трамп рече дека очекува некои од тие агенти да бидат отпуштени. Пател негираше дека знаел за потенцијални отпуштања.
Каш Пател е роден во 1980 година во Гарден Сити, Њујорк, од родители Индијци од Гуџарати кои емигрирале во Соединетите Држави од Источна Африка, преку Канада, објави претходно порталот Телеграф.рс. Неговиот татко работел во авиокомпанија како финансиски службеник. Пател дипломирал на средното училиште Гарден Сити на Лонг Ајленд. Пател беше воспитан како хинду и рече дека отсекогаш имал „многу длабока“ врска со Индија. Пател дипломирал на Универзитетот во Ричмонд во 2002 година со диплома за кривична правда и историја. Доби сертификат за меѓународно право од Универзитетскиот колеџ во Лондон во 2004 година и диплома за јурис доктор на Правниот факултет на Универзитетот Пејс во 2005 година.
