Кристијано Роналдо конечно се жени: Џорџина го покажа вереничкиот прстен (фото)

Португалскиот ас Кристијано Роналдо се жени! Џорџина Родригез ја објави веста на Инстаграм.

Џорџина, долгогодишната партнерка на Роналдо, а сега и свршеница, објави фотографија од својата рака со веренички прстен и пораката:

„Да, го сакам. Во овој и во сите мои животи“, гласеше пораката на Аргентинката, во објава која брзо беше исполнета со коментари во кои им честитаа на двојката.

Роналдо и Џорџина се во врска од 2016 година, но дури сега одлучија да го направат големиот чекор и да се венчаат, чии детали сè уште не се објавени.

Заедно имаат две ќерки, Алана (8) и Бела (2), додека Роналдо го има и 14-годишниот Кристијано Џуниор, а идентитетот на неговата биолошка мајка сè уште не е откриен.

Покрај тоа, тие имаат близнаци, Матео и Ева (7), кои се родени од сурогат мајка.