Крцкава салата од ротквица: Лесна за подготовка и богата со влакна и витамини
Сезона на ротквица, па затоа е вистинско време да пробате нови рецепти за здрави салати и да ги искористите сите витамини и корисни состојки што ги има овој зеленчук. Богати се со растителни влакна, витамин Ц, фолна киселина, калиум, а содржат многу малку калории.
Салатата од ротквица е многу освежителна и вкусна, а понекогаш, со парче тост, може да биде комплетен оброк.
Рецепт за салата со крцкава ротквица
Неопходно е
- 1 краставица, тенко исечена
- 3 стебленца целер , тенко исечени
- 4 средни ротквици, тенко исечени
- 3 супени лажици маслиново масло
- 1 лажичка рендана кора од лимон
- 2 супени лажици сок од лимон
- ¼ чаша свежо рендан пармезан
- ½ лажичка морска сол
- ¼ лажичка мелен пипер
- лисја од зелена салата
Подготовка
Краставицата, целерот и ротквиците исечкајте ги и ставете ги во поголем сад. Изматете ги маслото и сокот од лимон, а потоа прелијте ја салатата со преливот пред да ја послужите. Додадете сечкана кора од лимон, сирење, сол и бибер. На крајот украсете со листови целер, копар или магдонос.
Неговите придобивки
Ротквицата се издвојува како храна која придонесува за одбрана од разни токсини и го поттикнува лачењето на жолчката. Најчесто служат како додаток на главното јадење, без луѓето воопшто да сфатат дека позитивно делуваат на нивниот организам.
Ротквиците се богати со влакна, витамин Ц , фолна киселина, калиум и содржат многу малку калории. Тие се одличен сојузник за детоксикација и слабеење.
