Курти поднесе оставка: Прекината седница на собранието
Одлуката за оставка Курти ја соопшти преку писмо упатено до Секретаријатот на Собранието на Косово.
Албин Курти денеска поднесе оставка од функцијата премиер на приштинските институции.
Одлуката за оставка Курти ја соопшти преку писмо упатено до Секретаријатот на Собранието на Косово.
Во собраниската сала, во Косово, течеше конститутивната седница на деветтото свикување на приштинскиот Парламент, на која пратениците ќе положат заклетва за пратенички мандати, а се очекува да бидат избрани и нов претседател и потпретседатели на Собранието.
Прекината седница на собранието на институциите, мандатите не се потврдени
Конститутивната седница на собранието на приштински институции денеска беше прекината откако не беше усвоен извештајот на комисијата за верификација на мандатот на пратениците.
Пратеникот на Самоопределување, Авни Дехари, кој ја водеше седницата, рече дека ќе го извести претседателот на привремените институции за прекинот на седницата и ќе побара мислење за понатамошните чекори.
Извештајот на комисијата за верификација на мандатот, која беше избрана на почетокот на седницата, не беше усвоен, бидејќи за извештајот гласаа 52 пратеници, против 46, а воздржани беа 11 пратеници.
Пратениците на Демократската партија на Косово, Демократскиот сојуз на Косово и Алијансата за иднината на Косово гласаа против извештајот, наведувајќи дека документите во врска со оставката на премиерот и министрите кои беа избрани за пратеници не биле навремено распределени и дека премиерот на Косово, Аљбин Курти и министрите се обидуваат да бидат избрани како извршни и министри во извршната власт.
