Левица со кандидати за градоначалник во Тетово, Гостивар и Струга

Политичката партија Левица ги објави имињата на кандидатите со кои ќе се натпреварува на локалните избори закажани за 19 октомври во три општини со албанско мнозинство – Тетово, Гостивар и Струга. 

Во општина Струга, Левица ќе се натпреварува со актуелната пратеничка  Јована Мојсоскаx дипломирана на Факултетот за безбедност и генерален секретар на партијата.

Во општина Тетово со д-р Катка Божиновска, доктор по право на Универзитетот „Св. Кирил и Методиј“ во Скопјe. Додека во општина Гостивар ќе се натпреварува со  Дарко Грујоски, ИТ специјалист и ИТ оператор.

Левицата повикува на мобилизација на сите граѓани кои сакаат промени и сакаат вистинските вредности да преовладуваат во нивните општини.

На локалните избори за градоначалник на Гостивар ќе се натпреваруваат и Валбон Лимани од Националната алијанса за интегралност, Себаедин Даути од коалицијата ВЛЕН и независниот кандидат Висар Адеми.

Кандидати за градоначалник на Општина Тетово се актуелниот градоначалник Билал Касами од коалицијата Влен и Бајрам Реџепи од Националната алијанса за интеграција.

Во трката за градоначалник на Струга се независните кандидати Менди Ќира и Бесник Асани и Арсим Далипи од Националната алијанса за интеграција.