Луѓето без емотивни партнери се склони кон развој на болести и доживување депресија!
Според психологот Ерик Ериксон, развивањето и споделувањето на емоциите со другите е клучот до успехот.
Ериксон е психолог од 20 век кој го поделил човечкиот развој во осум фази.
Секоја фаза е подеднакво важна и придонесува за развојот на личноста. За да може една личност да се развие и формира својата личност, секоја фаза мора успешно да се помине.
Шестата фаза, пак, според неговите зборови, е интимност и развој на романтични врски, што е можеби најважната фаза за развој.
Оваа фаза им помага на луѓето да се движат напред и е тесно поврзана со идните успеси или неуспеси. Во оваа фаза, градењето здрави и исполнувачки односи е успех. Изолацијата и чувството на осаменост се сметаат за неуспеси.
Според него, интимноста е љубовна врска од каков било вид што бара споделување на себеси и искрени емоции со другите.
Ериксон веројатно верувал дека оваа фаза на развој се јавува помеѓу 19 и 40 години, кога повеќето луѓе бараат романтичен партнер, објавува „Телеграф“.
Изолацијата е состојба во која лицето се обидува да избегне интимност. Ова се случува кога постои чувство на страв од посветеност, поврзаност или едноставно кога лицето не сака да биде интимно и да се отвори и да ги покаже своите недостатоци и вредности.
Изолацијата може да ве спречи да развиете здрави врски, што подоцна негативно ќе влијае на вашиот сопствен развој, па дури и на вашето здравје.
Избегнувањето на отворањето кон другите, пак, може да предизвика осаменост, па дури и евентуална социјална изолација и депресија.
Ериксон верувал дека секој човек може успешно да ги надмине сите фази за да не стагнира. За успешно завршување на оваа фаза, клучно е да се научи како да се споделуваат емоции и да се создава блискост со други луѓе, со цел да се развијат и одржат здрави односи.
Изолацијата е често резултат на страв од отфрлање, и токму овој страв води до целосно избегнување на емоционалната отвореност кон другите.
Ериксон верувал дека неуспехот да се заврши оваа фаза од развојот претставува проблеми во иднина.
Долгорочната изолација и избегнувањето на блискост со партнерот може да бидат штетни за менталното и физичкото здравје.
Истражувањата покажаа дека луѓето кои не се во можност да ги споделат своите емоции и да развијат интимни вештини имаат поголем ризик од развој на кардиоваскуларни заболувања.
