Луѓето на Трамп патуваат во Саудиска Арабија: Почнуваат мировните преговори, дали Зеленски е поканет?

Високи функционери од администрацијата на американскиот претседател Доналд Трамп ќе започнат мировни преговори со руски и украински преговарачи во Саудиска Арабија во наредните денови , според американски функционер и извор запознаен со планирањето.

Американскиот државен секретар Марко Рубио, советникот за национална безбедност Мајк Волц и пратеникот на Белата куќа за Блискиот Исток Стив Виткоф ќе отпатуваат во Саудиска Арабија, изјави американскиот претставник Мајкл Мекол за Ројтерс.

МекКол, претседател на Комитетот за надворешни работи на Претставничкиот дом, рече дека, колку што знае, 
украинскиот претседател Володимир Зеленски е поканет да учествува. Според него, целта на разговорите е да се договори средба со Трамп, рускиот претседател Владимир Путин и Зеленски за „конечно да се воспостави мир и да се стави крај на овој конфликт“.

Украина: Нема да прифатиме зделки направени зад ваш грб

Зеленски рече дека Украина нема да прифати никакви мировни преговори договорени зад негов грб без присуство на Киев. Украина постојано повторуваше дека сака да се договори со САД и Европа за да изготват заедничка стратегија пред каква било средба меѓу Трамп и Путин.

Паралелните преговори за клучните минерали продолжија во саботата, при што Зеленски рече дека нацртот од Вашингтон не ги содржи безбедносните гаранции што му се потребни на Киев. Три извори велат дека САД предложиле преземање сопственост на 50 отсто од клучните украински минерали.

Трамп, говорејќи пред новинарите во Белата куќа во четвртокот, рече дека Украина ќе има место на маса за време на мировните преговори со Русија за ставање крај на војната.

За потсетување, средбата меѓу американскиот претседател Доналд Трамп и рускиот претседател Владимир Путин се очекува да се одржи на неутралната територија на Саудиска Арабија . Блумберг, кој ја пренесува информацијата, наведува дека средбата ќе се одржи пред 28 февруари.