Луѓето ја губат мускулната мобилност, не можат да јадат, да зборуваат, да одат и дишат: Што е АЛС, болеста од која боледувал Стивен Хокинг? (фото)
Стивен Хокинг, брилијантниот теоретски физичар почина во март 2018 година на 76-годишна возраст. Неговите научни достигнувања се познати во светот, но сепак болеста со која се борел го победила, а многумина не знаат што е тоа.
Амиотрофичната латерална склероза, AЛС, е прогресивна, невродегенеративна болест. Ги напаѓа нервните клетки во мозокот и ‘рбетниот мозок кои се вклучени во функционирањето и на горниот и на долниот дел од телото, пишува CNN.
Овие нервни клетки ја губат својата способност да иницираат и контролираат движење на мускулите, што доведува до парализа и смрт. Луѓето со оваа болест ја губат подвижноста на мускулите, по некое време не можат да јадат, да зборуваат, да одат и на крајот да дишат.
АЛС се нарекува и болест на Лу Гериг, по познатиот бејзбол играч кој се пензионираше поради тоа во 1939 година. Актерот Дејвид Нивен, НБА играчот Џорџ Јардли и џез-музичарот Чарлс Мингус исто така страдале од оваа мачна болест.
Малку се знае за причините за оваа болест и моментално не постои лек за тоа. Мажите имаат малку поголема веројатност да ја добијат од жените.
Хокинг, кому оваа болест му беше дијагностицирана во 1963 година, живееше со неа повеќе од 50 години – невообичаено долго време за некој што боледува од АЛС. Поради болеста, тој бил парализиран и целосно зависен од другите и технологијата за сите негови потреби: капење, облекување, хранење, мобилност и говор. Можеше да придвижи само неколку прсти на едната рака.
– Се трудам што повеќе да водам нормален живот и да не размислувам за надворешните работи, или да жалам за работите што не ми ги дозволува мојата состојба, а кои не се толку многубројни – напиша тој на својата веб-страница.
– Имав среќа што состојбата ми напредуваше побавно од вообичаено. Тоа покажува дека не треба да се губи надежта. Луѓето обично дознаваат дека имаат АЛС на возраст од 55 до 75 години. Просечниот животен век по дијагнозата е од две до пет години.
Постојат два вида на АЛС, спорадична и фамилијарна.
Семејната болест е наследна и децата кои ја наследуваат од родителите покажуваат симптоми веќе по една или две години, пишува ,,Недељник”.
Фамилијарната АЛС е многу поретка од спорадичната АЛС. Оваа болест беше во центарот на вниманието во 2014 година, кога Пит Фрејтс, поранешен бејзбол играч кој живее со АЛС од 2012 година, го започна „ледениот предизвик“. Предизвикот стана вирален, а илјадници луѓе поставија видеа на кои фрлаат кофи со ледена вода на главите, изразувајќи поддршка на лицата со АЛС.
