Маж запроси девојка на лет на Рајанер, реакцијата на компанијата беше хит на мрежите

Необична ситуација се случила на летот на Ryanair каде маж решил да запроси девојка, а нивната приказна станала хит на мрежите – поради одговорот на компанијата.

Имено, Ирецот Ли на Твитер сподели фотографија со својата девојка Леа, која ја запроси во летот на Рајанер, а набрзо следеше одговор од официјалниот профил на авиокомпанијата.

„Ја запросив Леа на лет на Рајанер со нејзиното семејство во авионот. За среќа таа рече „Да““, рече Ли во објавата.

Додека за многумина авионот на евтината компанија не беше најсоодветен избор за предлог, самиот Ryanair имаше урнебесен одговор на објавата на Ли.

„Леа, трепни двапати ако сакаш друго седиште“, изјавија во својот одговор кој насмеа многумина на мрежата.

Бидејќи Ryanair е познат по своите саркастични коментари на социјалните мрежи, па дури и со исмејување на сопствените патници – оваа реакција не е изненадувачка.

Ова доведе до низа реакции на оваа објава, при што многумина иронично го прашаа Ryanair дали им е наплатено дополнително за предлогот.

„Нема бесплатен шампањ за прекрасната двојка?“, праша еден корисник на Твитер, а Ryanair саркастично одговори: „Дали си нов овде?“.