Македонскиот пасош на 42-ро место, граѓаните на Македонија можат да патуваат во 129 земји без визи

За прв пат во историјата на индексот на пасоши Хенли , листата на најмоќни пасоши во светот повеќе не ги вклучува САД во првите 10. САД паднаа на 12-то место, израмнети со Малезија, во најновиот квартален извештај.

Листа на најмоќните пасоши во 2025 година:

– Сингапур (193 дестинации)

– Јужна Кореја (190) – Јапонија (189)

– Германија, Италија, Луксембург, Шпанија, Швајцарија (188)

– Австрија, Белгија, Данска, Финска, Франција, Ирска, Холандија (187)

– Грција, Унгарија, Нов Зеланд, Норвешка, Португалија, Шведска (186)

– Австралија, Чешка, Малта, Полска (185)

– Хрватска, Естонија, Словачка, Словенија, Обединети Арапски Емирати, Обединето Кралство (184)

– Канада (183)

– Латвија, Лихтенштајн (182)

– Исланд, Литванија (181)

– САД, Малезија (180)

Македонија е рангирана на 42-ро место со безвизен пристап до 129 земји.

Најдобро рангирана земја во регионот е Грција, чиј пасош е на 6-то место со безвизен пристап до 186 земји.
Србија е на 36-то место, со безвизен пристап до 137 земји, Албанија е изедначена на 47-мо место со Босна и Херцеговина, со безвизен пристап до 122 дестинации. Бугарскиот пасош е на 14-то место со безвизен пристап до 178 земји. Црна Гора е на 43-то место со безвизен пристап до 128 земји, додека Хрватска и Словенија се изедначени на 8-мо место со безвизен пристап до 184 земји.

На дното од листата, на 106-то место, Авганистан останува најслабиот пасош со безвизен пристап до само 24 дестинации, две помалку отколку на почетокот на годината. Сирија е на 105-то место (26 дестинации), а Ирак е на 104-то место (29 дестинации). Јазот во мобилноста помеѓу најдобрите и најлошите пасоши е 169 дестинации.

Што го прави пасошот „моќен“? Еден јасен показател е отвореноста за патување – можноста за влегување во дестинации низ целиот свет едноставно со покажување на пасошот, без потреба од виза.

Индексот на пасоши „Хенли“ е еден од неколкуте што ја мерат „моќта“ на пасошот, и за прв пат во својата 20-годишна историја, американскиот пасош испадна од првите десет. Три азиски пасоши сега го држат првото место: Сингапур со пристап без виза до 193 дестинации, Јужна Кореја со пристап до 190 дестинации и Јапонија со 189 дестинации.