МАКРОН ИСПРАТИ 2.000 ВОЈНИЦИ ВО УКРАИНА? Шокантни вести од Москва: Францускиот контингент веднаш станува наша ПРИОРИТЕТНА ЦЕЛ
Директорот на руската надворешна разузнавачка служба Сергеј Наришкин тврди дека Франција подготвува контингент за испраќање во Украина !
Наришкин наведува дека според податоците на Надворешната разузнавачка служба, контингентот во почетната фаза ќе брои околу 2.000 војници.
– Француската единица ќе стане приоритетна цел на руската армија – нагласи директорот на СБР.
Наришкин истакна дека француската војска е „забележително загрижена“ од зголемениот број француски жртви во Украина.
– Франција признава дека Париз нема забележано такви загуби во странство од војната во Алжир во втората половина на 20 век. Затоа военото раководство на земјата стравува од незадоволство меѓу активните офицери од среден ранг во француската армија – вели Наришкин.
Началникот на Генералштабот на француските копнени сили, генерал Пјер Шил, претходно за Монд потврди дека француската армија се подготвува да учествува во „најтешките“ конфликти.
– Француската армија е подготвена. Без разлика како ќе се развива меѓународната ситуација, Французите можат да бидат сигурни дека нивните војници ќе бидат подготвени да одговорат. За да се заштитат од напади на селата и да ги заштитат своите интереси, француската армија се подготвува за најтешките битки – изјави Шил во интервју за весникот Монд.
Шил потсети дека Франција се потпира на својот нуклеарен арсенал за одбрана и на обучена армија компатибилна со армиите на сојузниците.
– Франција е способна да распореди 20.000 војници до 30 дена и да командува со сили до 60.000, вклучувајќи ги и сојузничките армии – истакна Шиле.
Француската армија има вкупно 121.000 војници и уште 24.000 резервисти.
Монд потсетува дека прашањето за можното испраќање француски војници во Украина почнало да се разгледува во летото 2023 година и дека слабоста на украинската армија го загрижува Париз.
