Макрон: Се надевам дека Реал ќе го пушти Мбапе да игра на Олимпијадата
– Францускиот претседател Емануел Макрон ја коментираше одлуката на напаѓачот на ПСЖ, Килијан Мбапе да го напушти парискиот тим на крајот од сезоната.
– Немам посебни коментари за ова. Сепак, се надевам дека Реал Мадрид ќе го пушти Килијан на Олимпијадата и дека ќе може да дојде и да игра за француската репрезентација, рече Макрон, цитиран од Хафпост.
Олимписките игри ќе се одржат од 26 јули до 11 август.
Мбапе вчера најави заминување од ПСЖ. Дваесет и петгодишниот играч ќе го напушти тимот како слободен играч.
Мбапе игра за ПСЖ од август 2017 година. Во сезоната 2023/24, напаѓачот постигна 43 гола и направи 10 асистенции на 46 натпревари за парижаните во сите натпреварувања.
Со голем степен на веројатност, фудбалерот кариерата ќе ја продолжи во Реал Мадрид.
