Мароканскиот султан имал 504 жени и 1.171 дете: Ја презеде власта со убиство на својот внук, а вака направил толку деца (ФОТО/ВИДЕО)
Мароканскиот султан Мулај Исмаил, попознат како „крвожеден“, бил првиот голем владетел на династијата Алавити, која сè уште е на тронот на оваа земја. Тој беше на тронот од 1672 до 1727 година и тврдеше дека е директен потомок на основачот на исламот, Мухамед. Сепак, она по што останува најпознат е бројот на наследници што ги остави зад себе. Имено, се верува дека имал дури 1.171 дете.
Мулај беше султанот со најдолг стаж во историјата на Мароко, а зад него стоеше армија од 150.000 луѓе. Сепак, тој се истакнал по својата екстремна суровост, а постои приказна која вели дека неговото владеење започнало со страшен настан – наколил 400 глави во градот Фез, за на самиот почеток да покаже како секој што му се спротивставува ќе помине. Се верува дека тој убил 30.000 луѓе за 55 години кога бил на најважната позиција во државата, а во таа бројка не биле вклучени воените жртви.
КАКО ДОШОЛ НА ВЛАСТ?
Речиси ништо не се знае за неговата младост, освен што во 1672 година, кога бил валид во Фез, по ненадејната смрт на неговиот полубрат (Рашид Ибн Шериф, основачот на династијата), веднаш ја зазел ризницата и се изјаснил владетел. Го оспоруваа тројца ривали – брат му, внук му и Кадир Гилан, племенски водач на северно Мароко. Неговите ривали биле потпомогнати од Алжир од Отоманската империја, надевајќи се дека ќе ги ослабат Алавитите и ќе ја прошират нивната моќ над Мароко.
Војната за власт траеше пет години, Кадир Гилан беше убиен во 1673 година, но неговиот брат и внук му зададоа поголеми тешкотии. На крајот, тој ги вклучи во владата како компромис, давајќи им функции на провинциски валии. Мароко конечно бил смирен во 1686 година кога го поразил и го убил својот внук Ахмед ибн Махраз.
КОЛКУ ДЕЦА НАВИСТИНА ИМАЛ?
Според официјалните податоци од Гинисовата книга на рекорди, султанот Мулај Исмаил бил биолошки татко на 888 деца. Од друга страна, тогашниот француски дипломат Доминик Бусно тврдеше дека тој всушност имал 1.171 дете, родени од 4 сопруги и 500 конкубини. Тој нагласи и дека наследници добивал до својата 57-та година, кога веќе бил на тронот цели 32 години.
И додека некои историчари сметаат дека оваа информација апсолутно не е точна, научниците и лекарите се на мислење дека такво нешто е можно. Верувале или не, тие создале и компјутерска програма за да докажат дека нивната позиција е точна.
Според него пресметале дека мароканскиот султан можел да роди 1.171 дете за 32 години.
Се претпоставуваше дека сите негови сопруги и наложници немаат ист менструален циклус. Други фактори, како што се квалитетот на спермата и времето на овулација, исто така беа земени предвид.
Пресметката покажа дека Исмаил морал да има се*и од 0,83 до 1,43 пати на ден за да има над илјада деца. Според научниците, такво нешто би било возможно во таков мал харем – од 65 до 110 жени.
Иако спроведеното истражување не дава 100 отсто точни информации, со голема сигурност покажува дека бројката од 1.171 дете е дури веројатна за маж кој имал на располагање стотина припаднички на понежниот пол.
