Маск ги напаѓа Apple и OpenAI: „Тие ја блокираат конкуренцијата, време е за суд!“

Две од компаниите на Илон Маск – X и xAI – поднесоа тужба против Apple и OpenAI, обвинувајќи ги за нелегално договарање за блокирање на конкуренцијата.

Тужбата конкретно се однесува на одлуката на Apple да го интегрира четботот на OpenAI во своите оперативни системи, што компаниите на Маск го сметаат за ексклузивен договор што ја нарушува конкуренцијата на пазарот.

Маск претходно го обвини Apple дека го фаворизира OpenAI, вклучително и во рангирањето на апликациите во своите продавници, што според него е закана за фер конкуренцијата.

„Епл“ не одговори веднаш на обвинувањата, додека „ОпенАИ“ издаде кратко соопштение во кое се вели дека потегот е „во согласност со континуираниот модел на вознемирување на Маск“.

Да потсетиме дека Маск и Сем Алтман го основаа OpenAI во 2015 година, но набрзо станаа ривали. Маск го обвини Алтман дека ја води компанијата во насока што отстапува од нејзината оригинална идеја – развој на вештачка интелигенција во корист на јавното добро.

Нивниот конфликт се продлабочи уште повеќе откако Маск ги лансираше своите проекти за вештачка интелигенција, вклучувајќи ги xAI и четботот Grok, наменети како конкуренција на постојните решенија како оние од OpenAI.