Маск предвидува нова војна! Вознемирувачката порака на милијардерот по нападот на милитантите на Хамас врз Израел (ФОТО)
Еден од најбогатите луѓе во светот, Илон Маск, смета дека актуелната имиграциска политика на ЕУ води кон граѓанска војна во Европа!
Маск ги шокираше корисниците на социјалната мрежа Х кога ја коментираше објавата на британскиот политиколог Константин Кисин, кој ја критикуваше имиграциската политика на европските земји во светлината на конфликтот меѓу Хамас и Израел.
– Кога ќе видите илјадници луѓе кои слават за силувања и убиства извршени од членови на забранета терористичка организација, а полицијата во големите европски градови стои и гледа, знаете дека работите се лоши. Но, тоа само ќе се влоши! Ние одбиваме да имаме разумна имиграциска политика која прифаќа луѓе со културни вредности кои одговараат на нашите. Наместо тоа, ја отвораме границата за секој што сака да се качи на бродот и го демонизираме секој политичар што ќе се обиде да го спречи. Наскоро илјадници луѓе кои „протестираат“ ќе станат десетици илјади. И како што проблемот се влошува, укажувањето и барањето акција само ќе стане поопасно. Европа се самоуби – рече Кисин.
Веднаш се надоврза и сопственикот на Tesla и социјалната мрежа X.
– Граѓанската војна во Европа е неизбежна доколку продолжат сегашните трендови – напиша Маск.
– Граѓанската војна имплицира дека некој ќе се одмазди. Врз основа на сегашните докази, не сум ни сигурен дека тоа ќе се случи – одговори Кисин.
Да потсетиме, милитантите на Хамас го нападнаа Израел во саботата, а поддржувачите на таа палестинска милитантна група излегоа на улиците во многу европски градови и славеа. ЕУ исто така го предупреди Маск дека социјалната мрежа Х се користи за ширење дезинформации по нападот врз Израел.
Шефот на индустријата на ЕУ, Тиери Бретон, рече дека „насилната и терористичката содржина“ не била отстранета од мрежата и покрај предупредувањата. Маск рече дека неговата компанија презела акција, вклучително и отстранување на новоотворените сметки поврзани со Хамас и побара од ЕУ да ги наведе наводните прекршувања.
