Масовно пукање во Америка, има мртви и ранети! Полициски сили на местото на нападот во Балтимор! (ВИДЕО)

Едно лице загина, а девет се ранети во масовно пукање во Тусон, Балтимор, Мериленд.  Повеќето од деветте ранети жртви се пренесени во болница со прострелни рани, соопшти полицијата на округот Балтимор.

Сè уште не е јасно кој е напаѓачот и кој бил мотивот за нападот.  Нападот доаѓа помалку од еден месец откако две лица беа убиени, а уште две ранети во масовно пукање на Денот на благодарноста во Сан Антонио, Тексас .

Првиот службеник кој пристигнал на местото на пукањето пронашол запалено возило во близина на погребалното претпријатие, а потоа наишло на ранетите и мртвите, изјави началникот на полицијата во округот Балтимор, Роберт МекКалоу на брифингот со новинарите.

– Се чини дека дошло до инцидент кој довел до судир и до тоа дека возилото се запалило. Инспекторите ги истражуваат околностите што довеле до тоа. Нема да оставиме камен на камен и ќе ги посветиме сите ресурси на ова. Ние генерално не гледаме инциденти како овој во нашата заедница во округот Балтимор. Ве уверувам како ваш началник на полицијата дека ќе ги вложиме сите ресурси во обидот да се реши случајот – рече тој.

Инспекторите веруваат дека пукањето било изолиран инцидент и не веруваат дека има дополнителна закана за луѓето.

– ,,Oва е страшен инцидент, особено за нас во округот Балтимор. Вакви инциденти овде се нечуени, па навистина сме изненадени. Сепак, сакаме нашите жители да знаат дека, како и секогаш, ние сме целосно посветени на безбедноста и на нашите противпожарни и полициски оддели и ја имаме целосната поддршка и ресурси што им се потребни од владата на округот Балтимор за да ја спроведе оваа истрага“, изјави извршниот директор на округот Балтимор, Џони Олшевски.

Досега оваа година 
имало повеќе од 490 масовни престрелки низ 
САД заклучно со 18 декември, според 
„Архивата за огнено насилство“, која го дефинира масовното пукање како инцидент во кој 
четири или повеќе лица се повредени или убиени.