Матија (8) почина во болница, 3 лекари под истрага: Беше здраво момче, родителите сакаат да ја дознаат вистината

Осумгодишната Матија Коада почина во болница во Венеција откако му се слоши на 28 декември.

Обдукцијата на телото е закажана за 6 јануари, но може да биде одложена до понеделник.

Резултатите од обдукцијата треба да покажат што ја предизвикало смртта на момчето кое немало здравствени проблеми пред да пристигне во болница.

Оттогаш родителите на момчето најмиле адвокат и сакаат да ја знаат точната причина за смртта на нивниот син.

Обвинителството во Италија покрена истрага против тројца лекари кои беа дежурни на педијатриското одделение.

Тие ќе треба да им ги објаснат на надлежните сите околности на несреќата.

Матија на 28 декември околу 3:30 часот итно бил пренесен во болница, но околу четири часот наутро бил префрлен во детската болница.

Состојбата на 29 декември во попладневните часови ненадејно се влошила, а во 16:00 часот добил срцев удар.

Лекарите размислувале да го префрлат на одделението за интензивна нега во болницата во Падова, но за жал на одделението немало кревети.

Еден час подоцна момчето починало.