МАЈКАТА НА НАВАЛНИ: „Тој беше жив, здрав и среќен, го видов пред четири дена! Не ми давајте сочувство! “ (ВИДЕО)
„Не сакам да слушам никакви изрази на сочувство. Го видов мојот син во затвор на 12 февруари. Тој беше жив, здрав и среќен“, ова се зборовите на Људмила Ивановна Навални, мајката на Алексеј Навални, кој почина овој петок во руски затвор.
Нејзината изјава ја пренесе телеграмскиот канал „Нове газета“, а нејзините зборови ги потврдува и видеото од сослушувањето на Навални кое се одржа во четвртокот на 15 февруари.
Како што може да се види на видеото, Навални бил расположен, се шегувал и се смеел.
Семејството на Алексеј Навални се уште не е известено за неговата смрт. Според неговиот правен тим, семејството треба да биде известено за смртта во рок од 24 часа.
Луѓето на Навални инсистираат дека не добиле никаква потврда дека најголемиот критичар на Путин починал, а неговиот адвокат одлета во сибирскиот затвор каде што беше задржан за да ги потврди сите наводи.
– Роднините мора да бидат известени во рок од 24 часа доколку тоа е вистина – изјави Иван Жданов, член на адвокатскиот тим на Алексеј Навални.
Навални зад себе ги остави сопругата Јулија (47), ќерката Дарија (23) и синот Захар (15).
„Ако решат да ме убијат…
Твитер каналот на порталот Nexta со седиште во Варшава објави видео клип, поточно клип од документарниот филм Навални на Даниел Рор од 2022 година.
На видеото, Навални се гледа како седи во кафеана, сам, и вели, како што истакнува Некста, апел до Русите што да прават во случај да умре.
– Слушај, имам нешто многу очигледно да ти кажам. Не смеете да се откажете. Ако решат да ме убијат, тоа значи дека сме исклучително силни. Треба да ја искористиме таа сила, а не да се откажуваме. Да се потсетиме дека ние сме голема сила угнетена од лошите момци. Ние навистина не сфаќаме колку сме силни. Единственото нешто што е неопходно за триумф на злото е добрите луѓе да не прават ништо. Затоа, не стојте во место – рече Навални.
Рускиот опозициски лидер почина денеска на 48-годишна возраст во казнена колонија на поларниот Урал, каде одлежа 30-годишна затворска казна.
